Kumu Kanoe Gowan » Home

Home

Aloha mai kākou!

Aʻo au i ka Papa ʻEkahi ma Ke Kula Kaiapuni ʻo Waiau. ʻO kēia ka makahiki ʻewalu aʻu e aʻo ana ma kēia kula nei. He mau makahiki i hala, aʻo akula au i nā ʻīnana ʻiki, nā ʻīnana, nā pūnua nō hoʻi ma ka Pūnana Leo. Ua hoʻopuka au mai Hawaiʻinuiākea mai me kaʻu palapala ʻIke Hawaiʻi ma ke Kumu Kahiki ma ka makahiki 2012. Ma hope o kaʻu hele kula nui ʻana, komo akula au i kekahi papahana kumu a ua kō ka laikini aʻo aku. He palapala laeoʻo ma ka Hoʻonaʻauao, e kilo ana i ka Instructional Leadership kaʻu mai ke Kula Nui ʻo Chaminade ma Honolulu mai. 

Hoihoi loa au i ke aʻo ʻana aku i nā keiki o Hawaiʻi nei. Iaʻu, he mea nui ka mālama ʻana i kā kākou mau keiki me ka ʻoluʻolu, me ka ʻoʻoleʻa, a ka mea nui, me ke aloha. Ma koʻu lumipapa, e ʻulu nō ana nā keiki a pau ma nā ʻano like ʻole. E mālama ana kākou i kekahi i kekahi ʻoiai he ʻohana kākou, ʻaʻohe mea e kū hoʻokahi ana.