Home
ʻAnoʻai kākou!
ʻO au iho nō ʻo Kumu Kawai.
ʻO Papakōlea kuʻu kulāiwi, ʻāina nēnē hiwa o ka ua lanipili o Kalāwahine. Ua hānai pū ʻia au i ka malu o Mauʻumae lāua ʻo Waʻahila, ʻāina ʻohuʻohu hoʻi i ka ua Līlīlehua. Hauʻoli loa au i ke aʻo ʻana aku i kāu keiki i kēia makahiki kula!
He pua haʻaheo au o ka lei ānuenue (Ke Kula Kaiapuni ʻo Ānuenue 2005-2018). Ua puka au mai Ke Kula Nui ʻo Hawaiʻi ma Mānoa ma ka makahiki 2023 me kaʻu palapala laepua ma ka hoʻonaʻauao kula haʻahaʻa/kula kaiapuni Hawaiʻi. He keiki kaiapuni au i oʻo maila i kumu kaiapuni. ʻO kēia koʻu makahiki ʻehā o ke aʻo ʻana aku ma Waiau nei. ʻO kaʻu pahuhopu, ke kōkua ʻana i nā keiki kaiapuni ʻē aʻe e kupu a e mohala i mau momi o ka lāhui.
Ma waho aʻe o kaʻu mau kuleana ma ke kula, he makua wau iā Kiaʻi, kaʻu ʻīlio. He wahine kēia puni i ka lawaiʻa, ka hana noʻeau, ka luana wale me ka ʻohana, a me ke kūʻai hele ʻana!
He papa kēia e ola ai ka moʻokūʻauhau, ka ʻōlelo, a me ka moʻomeheu Hawaiʻi. Ma loko o nā moʻolelo a me nā haʻawina i mahi ʻia a e kupu ai ka ʻike kūpuna. He ʻiʻini koʻu e hoʻoulu i ka hoi i loko o nā haumāna e ʻimi naʻauao ma o nā moʻolelo, ka hana keaka, nā mele, nā pāheona, a pēlā wale aku.
ʻO au iho nō ʻo Kumu Kawai.
ʻO Papakōlea kuʻu kulāiwi, ʻāina nēnē hiwa o ka ua lanipili o Kalāwahine. Ua hānai pū ʻia au i ka malu o Mauʻumae lāua ʻo Waʻahila, ʻāina ʻohuʻohu hoʻi i ka ua Līlīlehua. Hauʻoli loa au i ke aʻo ʻana aku i kāu keiki i kēia makahiki kula!
He pua haʻaheo au o ka lei ānuenue (Ke Kula Kaiapuni ʻo Ānuenue 2005-2018). Ua puka au mai Ke Kula Nui ʻo Hawaiʻi ma Mānoa ma ka makahiki 2023 me kaʻu palapala laepua ma ka hoʻonaʻauao kula haʻahaʻa/kula kaiapuni Hawaiʻi. He keiki kaiapuni au i oʻo maila i kumu kaiapuni. ʻO kēia koʻu makahiki ʻehā o ke aʻo ʻana aku ma Waiau nei. ʻO kaʻu pahuhopu, ke kōkua ʻana i nā keiki kaiapuni ʻē aʻe e kupu a e mohala i mau momi o ka lāhui.
Ma waho aʻe o kaʻu mau kuleana ma ke kula, he makua wau iā Kiaʻi, kaʻu ʻīlio. He wahine kēia puni i ka lawaiʻa, ka hana noʻeau, ka luana wale me ka ʻohana, a me ke kūʻai hele ʻana!
He papa kēia e ola ai ka moʻokūʻauhau, ka ʻōlelo, a me ka moʻomeheu Hawaiʻi. Ma loko o nā moʻolelo a me nā haʻawina i mahi ʻia a e kupu ai ka ʻike kūpuna. He ʻiʻini koʻu e hoʻoulu i ka hoi i loko o nā haumāna e ʻimi naʻauao ma o nā moʻolelo, ka hana keaka, nā mele, nā pāheona, a pēlā wale aku.
- Name
- Kawai Kaneakua-Rauschenburg
- Position
- HLIP 3rd Grade Teacher