Waiau Elementary School

Kumu Ku'uwainani Eaton » Home

Home

Aloha mai kākou!

ʻO wau no ʻo Kumu Kuʻuwainani a no Keahi, Puʻuloa mai au. Hauʻoli au e aʻo i ka papa ʻelua no ka mea ma kuʻu wā liʻiliʻi ua hele au i ke kula kaiapuni ʻo Waiau a ua hoʻomaka au ma ka papa ʻelua. Ua aʻo au i ka papa ʻelua no ʻewalu makahiki. No laila haʻaheo loa au e aʻo i nā keiki ma kēia kula nei. Ua aʻo mua au i ka ʻōlelo Hawaiʻi mai kuʻu Kukuma a laila ma ke kula kaiapuni. He BA kaʻu no ka paheona a he MA kaʻu no ke aʻo ʻana.

He mea nui ke Aloha, ke Akua, koʻu ʻohana, kuʻu one hānau, a me nā mea Hawaiʻi iaʻu. Ua aʻo kuʻu Tūtū iaʻu, "Inā hana ʻoe i kekahi mea, e hana me kau hana maikaʻi loa!" Like kēia manaʻo me ka ʻōlelo noʻeau, "E kūlia i ka nuʻu." Meia manaʻo aʻu e aʻo ai i nā keiki - me ke aloha a me ka hana nui.

Makemake wau e holomua a makemake wau i nā keiki e holomua!
"Imua a loaʻa ka lei o ka lanakila"
 

Classes

Recent Posts

He aha kau hana me kou ʻohana?

ʻO kaʻu hana me koʻu ʻohana e nānā i nā nalu. Ua makemake mākou e heʻenalu no laila ua hele mākou e nānā i nā nalu. Hiki ke ʻike he kai piʻi a aia nā nalu i ʻō a ʻia neʻi. Aia nā kānaka e heʻenalu ana a e kaha nalu ana. ʻAʻole mākou i heʻenalu akā hauʻoli wau i kēia manawa me koʻu ʻohana.
Aloha e nā keiki papa 2!  
 
Hauʻoli wau e ʻike iā ʻoukou!  Hauʻoli wau e aʻo iā ʻoukou a e aʻo mai iā ʻoukou!  E hana nui ana mākou i kēia makahiki kula akā aia ana wau maʻaneʻi e alakaʻi a e kōkua iā ʻoukou pākahi.  I koʻu manaʻo he mau alakaʻi ʻoukou a makemake wau e paipai a e kōkua iā ʻoukou e hoʻomau i kēlā ʻano alakaʻi.
Imua a loaʻa ka lei o ka lanakila!
 
Kumu Kuʻuwainani